Taratibu za Biashara na Bidhaa za Nyama Ndani za Nje ya Nchi​

1.0 USAJILI

Wadau wote wa tasnia ya nyama wanahitajika kutambuliwa na kusajiliwa kisheria na Bodi ya Nyama, kwa mujibu wa kifungu Na.17 (1) -(3) cha Sheria ya Nyama Na.10 ya Mwaka 2006 ili kupata uhalali wa kufanya biashara ya aina yoyote katika tasnia ya nyama. Pia inatoa vyeti vya kuruhusu kuuza na kuingiza nyama na bidhaa zake nje na ndani ya nchi (Clearance Certificate for Livestock or Meat and/or Meat Products Import/Export Certificates).

Vigezo vinavyotumika ili mdau/wadau kupata usaji wa Bodi ni vifuatavyo:

i. Uwepo wa nyaraka halali zinazomwezesha mdau kufanya biashara ambazo ni pamoja na hati ya utambulisho wa mlipa kodi (TIN), cheti cha usajili wa jina la biashara au kampuni kutoka BRELA, leseni ya biashara nje ya nchi (Export Licence), Cheti cha Utambulisho wa Bidhaa kutoka Tanzania Chamber of Commerce Industry and Agriculture (TCCIA) ambazo vivuli vyake vitaambatishwa wakati wa kuomba usajili Bodi ya Nyama.

ii. Kuwepo kwa anuani ya mahali pa kufanyia biashara (shamba/ranchi, machinjio, bucha, kiwanda cha kuchata na kusindika nyama, stoo ya kuhifadhia nyama).

iii. Fomu ya maombi ya usajili iliyojazwa kikamilifu na kuambatanishwa na picha (passport size) ya mmiliki wa eneo la biashara

iv. Taarifa ya ukaguzi wa mahali/eneo la biashara ili kuhakikisha eneo hilo linakidhi matakwa ya sheria ya nyama na biashara yake inazingatia taratibu za biashara.

2.0 HATUA ZA KUFUATA ILI KUUZA NYAMA NDANI NA NJE YA NCHI

Pamoja na Sheria ya Nyama Na.10 ya Mwaka 2006 na Kanuni zake za Mwaka 2011 na 2014 na Sheria ya Magonjwa ya Wanyama Na. 17 ya Mwaka 2003 na Kanuni zake za Mwaka 2007, pia wadau wanaotaka kusafirisha mifugo au nyama nje /kuingiza nyama wanahitaji kuhakikisha wametimiza vigezo vifuatavyo kabla ya kusafirisha /kuingiza Mifugo, Nyama na Bidhaa zake.

i. Nyama na bidhaa za nyama zinazosafirishwa nje ya nchi atalipa asilimia moja (1%) ya gharama za uzalishaji yaani (f.o.b)

ii. Nyama na bidhaa za nyama zinazoingizwa ndani ya nchi atalipia asilimia mbili (2%) ya gharama za uzalishaji (f.o.b)

Angalizo: Bodi ya Nyama Tanzania inatoa Clearance Certificates kwa ajili ya kudhibiti soko lakini Idara ya Huduma ya Mifugo (DVS) inatoa Import/Export Permit kwa ajili ya kudhibiti uonezaji wa magonjwa kutoka kwa wanyama/mifugo kwenda kwa binadamu.